Siglir tar il cuntegn

Header

cuntegn

Tissientedas da bulieus 600 tissientadas mintg'onn

Var 7'000 differents bulieus datti en Svizra. Mangiar san ins dentant mo 3% da quels. Perquai vegnan onn per onn er persunas en contact cun il tissi dals bulieus.

La gronda part da las tissientadas da bulieus en Svizra na capitan betg cunquai ch'i vegn mangià bulieus da tissi. Katharina Schenk, experta da bulieus tar il center da toxicologia svizzer declara ch'i vegnia fitg savens simplamain mangià bulieus ch'èn marschs u che fan miffa. In auter problem saja ch'els vegnan era cuschinads fallà.

Il tissi da bulieus chaschuna differents sintoms: Mal il venter, malesser u ch'ins sto render. Dentant datti er singuls bulieus che chaschunan pli gronds donns.

Amanita verda – il bulieu mortal

amanita verda -  grüner Knollenblätterpilz
Legenda: L'amanita verda - «grüner Knollenblätterpilz». pixabay

Quest bulieu è il pli privlus bulieu en Svizra. I ha gia dà mortoris tar persunas che han mangià el. El attatga numnadamain il dir. Il davos mortori en Svizra pervia d'in bulieu da tissi è dentant gia var 10 onns enavos.

Tenor Katharina Schenk èsi dentant impurtant ch'il tissi da bulieus na vegnia betg sutvalità. Perquai cusseglia ella:

Igl è fitg impurtant da laschar controllar tut ils bulieus. Ils controlladers èn sc'ina assicuranza da vita per tut quels che rimnan bulieus.
Autur: Katharina Schenkexperta da bulieus tar il center da toxicologia

La fin finala èn numnadamein mo 3% dals bulieus mangiabels. Dal rest èsi da laschar la detta.

RR actualitad 11:00