A Basilea avevi dà tantas protestas ch’ins n’ha la finala betg mussà il toc. La renfatscha: Il toc mussia stereotips rassistics. La Klibühni haja era survegnì circa in tozzel e-mails, di il reschissur Christian Kaiser. El na chapescha betg la critica ch’il toc duai mussar stereotips rassistics. Anzi, el è intgantà tant dal toc sco era da l’autura Ingrind Lausund che ha ses cudeschs che cumparan en la chasa editura Suhrkamp.
La renfatscha dad rassissem è absurda.
A Cuira ha il toc success e las represchentaziuns èn vendidas ora. I na dat nagins bigliets pli. Il toc raquinta da tschintg persunas che vulan rimnar daners per ina scola a Guinea Bissau. Els organiseschan ina occurrenza da Benefiz.
La gruppa discuttescha e contrahescha tge ch’ins duai far a quella occurrenza: chantar, mussar dias, preschentar il project, tegnair pleds? E tgi dastga insumma dir tge? Il toc mussa la dinamica en gruppas. Ma el prenda – era a moda satirica murdenta – en mira il sa cuntegnair e pensar da donaturs.
