Il pass da l'Alpsu vegn puspè avert ils 27 d'avrigl. A partir da las 08:00 la bun'ura vegn il passagi tranter l'Uri ed il Grischun puspè dà liber. Quai ha communitgà la direcziun da construcziun dal chantun Uri.
Las davosas emnas saja vegnì lavurà a moda intensiva per rumir la naiv. Las massas da naiv sajan stadas quest onn sur la media dals davos onns e las temperaturas pli fraidas, uschia che pli pauca naiv saja luada. Divers indrizs da segirtad na sajan anc betg montads.