Sin il Gottard hai gia dapi oz a bun'ura colonnas. Perquai vegn cusseglià da guntgir sur l'autostrada A13. Plaunet è il traffic sa calmà e las vias en Grischun èn puspè libras. La situaziun da traffic actuala:
- Al Gottard direcziun sid hai 5 km colonna tranter Amsteg e Göschenen. Il temp da spetga munta a 50 minutas. I vegn recumandà da guntgir sur l'A13.
- Al Gottard direcziun nord hai 3 km colonna. Quai munta a var 45 minutas temp da spetga.
Oz a bun'ura era la colonna davant il Gottard passa 12 km lunga. Questa fin d’emna cumenzan las vacanzas en il chantun Turitg ed en parts da la Germania e l’Ollanda.
RR novitads 12:00