En cumparegliaziun cun l'onn passà hai uss il fanadur dapli traffic sin singuls trajects - uschia era en direcziun Grischun. Gist las fins d’emna sajan las colonnas pli lungas ch’il medem temp dal 2019.
Sin dumonda da SRF ha il servetsch da traffic Viasuisse ditg, ch’il traffic dal temp liber prendì tiers fitg.
Puncts neuralgics hai en la Surselva Bernaisa, en la Svizra Centrala e natiralmain er en il Grischun.
Uschia sajan sin la via da Turitg en direcziun Grischun passa 10 pertschient dapli autos da viadi che l’onn passà.
Lais alpins enstagl la mar – quai saja la nova destinaziun per ils Svizzers, di l’Uffizi federal per vias Astra. Quai trend sa mussia er als cunfins. A Basilea haja 20 pertschient pli pauc traffic, ed a Chiasso radund 30 pertschient pli pauc.
En general sajan las Svizras ed ils Svizzers era sin viadi cun l’auto e betg cun il traffic public. Uschia mesiran las Viafiers federalas actualmain sulet 70 pertschient da l’occupaziun ch’ellas han uschiglio en il traffic regiunal.
