Chantun - Trais giadas aur per ensemble vocal Consonus
Cun ses ensemble vocal Consonus ha il dirigent grischun Mauro Ursprung gudagnà trais giadas aur als «World Choir Games» en l'Africa dal Sid. Quai vul dir ch'els han mintgamai cuntanschì dapli che 80 da 100 puncts pussaivels, uschia ha l'ensemble communitgà.
En las trais categorias ha Consonus gudagnà la medaglia d'aur. Cumpareglià cun ils resultats dals auters participants han mintgamai be paucas furmaziuns cuntanschì dapli puncts che Consonus.
Categoria «Musica Sacra a cappella» 89,88 puncts – plaz 3.
Categoria «Spirituals» 90,25 puncts – plaz 4.
Categoria «Mixed Chamber Choirs» 81,88 – plaz 5.
L'ensembel vocal Consonus è vegnì fundà il 2016. Il grischun Mauro Ursprung dirigia 33 chantaduras e chantadurs da l'entira Svizra, 10 èn dal Grischun. Consonus è il sulet ensemble svizzer ch'ha prendì part als World Choir Games 2018.
World Choir Games
Avrir la boxSerrar la box
Dapli che 300 chors e passa 16'000 participants che derivan da dapli che 60 pajais han fatg part a la festa da chant mundiala «World Choir Games». La festa è stada a Tshwane en l'Africa dal Sid.
