Siglir tar il cuntegn

Header

Navigaziun

Gardists svizzers en baselgia.
Legenda: Trais Grischuns han cumenzà il glindesdi la scolaziun per la Guardia svizra papala. Keystone
cuntegn

Chantun Trais Grischuns cumenzan tar ils gardists papals

Maurizio Cavelti (Trun), Silvan Wolf (Trun) e Samuele Menghini (Li Curt) èn ils trais recruts grischuns dals totalmain nov recruts che han cumenzà oz la la scolaziun per la Guardia svizra papala a Roma.

La scolaziun fundamentala dura dus mais, uschia communitgescha la Guardia svizra papala. Durant las emprimas emnas emprendan ils recruts d'enconuscher ils servetschs, fan ils emprims curs da talian e divers tests medicinals. Lura van els en il chantun Tessin, nua ch'els survegnan da la Polizia chantunala il trenament da segirtad, tranter auter cun emprender da cumbatter fieu, da sajettar u il secuntegnair tactic. Previs è ch'els cumenzan lur servetsch en il Vatican l'emprim da december.