Burgais dal Grischun u ch'èn creschids si en il Grischun dastgan inoltrar lur ovras per l'exposiziun annuala e sperar che lur ovras persvadan la giuria. Lezza ha quest onn selecziunà 38 ovras or da passa 100.
En la selecziun datti tant ovras dad artistas ed artists ch'èn pir al cumenzament da lur fasa d'art sco er arrivads e prominents sco Not Vital, Gaudenz Signorell, Evelina Cajacob, Zilla Leutenegger u Mirko Baselgia.
Era per mai èsi adina in spetgar plain mirveglias
La vernissascha publica da l'exposiziun – che furma er adina la fin dal program annual dal Museum d'art dal Grischun – è sonda, ils 8 da december a las 17:00.
Il magazin da cultura (11:00-12:00, sonda ils 08-12-2018) sa deditga pli profundamain a las ovras e l'exposiziun che cuzza fin ils 27-01-2019.
RR actualitad 12:10