Siglir tar il cuntegn

Chantun Tschiffaballas ston vegnir sanads

Fin il 2020 ston tut ils tschiffaballas tar stans da sajettar vegnir sanads. Quai ha communitgà la regenza chantunala.

Tschiffaballas.
Legenda: Tuts tschiffaballas ston vegnir sanads fin il 2020. Keystone

A partir dal 2012 na dastgan ins betg pli sajettar en il terren u èn mantuns da lain. Quai tranter auter pervi da las zonas da protecziun per l’aua sutterana.

Sin basa d’ina dumonda dal deputà Filip Dosch ha la regenza communitgà che 34 tschiffaballas sajan vegnids sanads fin uss, 253 stoppian anc vegnir sanads. Ils custs da tranter 5 e 9 milliuns francs ston vegnir purtads da las vischnancas e da las societads da tir.

RR novitads 11:00