Siglir tar il cuntegn

Header

video
Territoris da skis pitschens e mesauns èn pronts da sustegnair in l’auter
Or da Telesguard dals 15.10.2020.
laschar ir
cuntegn

Turissem en temp da corona Territoris da skis pli pitschens tegnan ensemen

16 territoris da skis pitschens e mesauns en il Grischun Central vulan sa gidar – sch’i dess in lockdown local u regiunal. Lura valess la carta da stagiun tar ils territoris restants.

Ils territoris da skis pitschens e mesauns en il Grischun Central quintan pli pauc che l’entira branscha en Svizra sto serrar, sco capità ils 13 da mars. Quai saja strusch il cas ord raschuns economicas, ha ditg Mario Davatz da la nova marca KMS Grischun. Pli fitg temian els bloccadas localas u regiunalas.

Perquai han ils responsabels dals territoris da skis discutà in agid vicendaivel – en il cas ch’in u plirs da lur territoris da skis stuessan serrar. Lura pudessan skiunzas e skiunzs ch’han ina carta da stagiun da quests territoris, ir en ils auters territoris cun skis. Sche tut ils territoris ston serrar, lura s’occupa mintga interpresa da ses clients.

Quests territoris fan part dal KMS Grischun

Textbox aufklappenTextbox zuklappen
  • Avras
  • Bravuogn
  • Beiva
  • Cuira-Dreibündenstein
  • Veulden
  • Fideriser Heuberge
  • Grüsch-Danusa
  • Hochwang/St. Peter
  • Mut Su
  • Pradaschier-Churwalden
  • San Bernardino
  • Sarn-Mantogna
  • Savognin
  • Spleia
  • Tschappina-Mantogna
  • Tschiertschen

Ils 16 territoris da skis pitschens e mesauns porschan a lur clientella la pussaivladad, da cumprar tar las interpresas partenarias cartas dal di per mez pretsch.

RTR Telesguard 17:40

Artitgels legids il pli savens

Scrollar a sanestra Scrollar a dretga