Siglir tar il cuntegn
cuntegn

Chantun Turissem grischun - anc naginas grondas consequenzas

Las destinaziuns da turissem grischunas na badan anc betg grondas consequenzas pervi dal ferm franc svizzer. Fin uss hai dà mo singulas pernottaziuns che vegnan stornadas. Las pendicularas en la regiun da turissem Engiadina / San Murezzan han perfin cifras da record.

staziun da la pendiculara Corviglia, la cabina è gist partida
Legenda: La destinaziun Engiadina / San Murezzan na senta anc nagut dal ferm franc svizzer. (maletg mussa Corviglia) Keystone

Avant 1 mais ha la banca naziunala abolì il curs minimal da l‘ euro. Quai aveva procurà per panica tar ils turistichers dal Grischun. D'in mument a l'auter ha l'euro pers valita envers il franc svizzer uschia ch'ils pretschs en Svizra èn vegnids per radund 15 % pli chars per ils giasts da l'exteriur. Sco i para hai fin ussa betg gì grondas consequenzas.