Turissem grischun ha tema da la stad

Il mument n'èn las consequenzas dal flaivel euro anc betg da sentir, ma la branscha turistica ha tema da la stad vegninta.

Ernst Wyrsch avant in microfon Bild in Lightbox öffnen.

Legenda da maletgs: Ernst Wyrsch vesa nair per il turissem da stad. RTR, F. Belotti

Il mument na sentian ins anc betg fitg las consequenzas dal midament andetg dal curs da l'euro tar il franc svizzer da l'entschatta da l'onn. Persuenter èsi da remartgar ina tema areguard la stad vegninta en la branscha turistica en il Grischun.

Ils turists da la stad sajan pli sensitivs quai che pertutga il pretsch, ha ditg il president da la secziun grischuna da Hotellerie Suisse Ernst Wyrsch. Per surmuntar il manco da turists che smanatscha ha Wyrsch clamà per dapli daners publics per marketing en la fiera svizra. Quai na possian ils hoteliers betg purtar sez.