La Confederaziun lascha examinar extern l'agid finanzial da l'Uffizi federal da cultura el chantun Grischun. Uschia ademplescha el il postulat da Silva Semadeni «Allegra, Romanisch und Italienisch sollen leben» – almain per part.
L'examinaziun dal diever dals daners federals per la perioda 2017-2018 aveva la regenza grischuna annunzià avant in'emna.
En ses postulat dal december passà aveva Semadeni dentant dumandà dal Cussegl federal d'analisar la situaziun dal rumantsch e dal talian era sur l'entira Svizra ora.
Tuttina ha Silva Semadeni ditg al «Bündner Tagblatt» ch'uschia saja ina buna part da sia finamira accumplida.
