Entant è il #GRTweetbier daventà in'arranschament regular. Tranter tschintg e 30 persunas èn mintgamai da la partida per baiver ina biera e discutar davart temas actuals, projects ni simplamain per emprender a conuscher glieud interessanta or dal mund da professiun.
Jau sun Mattias, el è Christian e tgi es ti?
La sairas cun biera e Twitter duajan esser tant informalas sco mo pussibel. Il GRTweetBier n'è pia nagina uniun fromala e durant la saira di ins da principi a mintgin 'Ti'. Quai procura per in’atmosfera fitg famigliara ed ins vegn era simpel en discurs cun ils differents preschents. Malgrà che la saria ha lieu en il mund real, na pon blers preschents tuttina betg desister dals meds socials. Cun il hashtag #GRTweetbier documenteschan els la saira sin Twitter. Ed i vegn era discutà tant viv a moda virtuala sco reala.