Cun il grond engaschi dals chatschaders e dals purs hajan ins uschia pudì chattar 330 chavrielins novnaschids e salvar els da maschinas da segar. Da la fin da matg fin l’entschatta da fanadur haja dà passa 1’100 sgols da dronas. Baina hajan ins pudì spendrar pli paucs chavrielins che l'onn passà (448). Ma tuttina descriva l'Uffizi da chatscha e pestga la stagiun sco success.
Grazia al success dals ultims dus onns vul l’uffizi extender quest project l’auter onn sin ulteriuras regiuns e cumprar dapli dronas. Tschintg tocs vul l'uffizi cumprar. Quellas duain vegnir messas a disposiziun a secziuns da chatschadras e chatschaders interessads. Il basegn tar las singulas secziuns vegnia il mument sclerì. Il mument èn 19 dronas en funcziun. Quai en suandantas regiuns:
- Partenu-Signuradi
- Tschintg vitgs
- Surselva sut
- Mantogna-Tumleastga
- Schons
- Stussavgia
- Vaz-Casti
- Engiadina bassa
- Val Müstair
