Quest onn vegnan puspè controlladas las vias chantunalas en pliras regiuns dal Grischun. L'auto che gira sin las vias per far las registraziuns è equipà cun in scanner d'auta prestaziun e cun set cameras. Registrada vegn en emprima lingia la surfatscha da la via.
Las datas vegnan duvradas primarmain da l'Uffizi da construcziun bassa per giuditgar il stadi da las vias. Sin fundament da las infurmaziuns vegn planisà il mantegniment da las vias chantunalas.
Mintga trais onns
Questas registraziuns da vias vegnan fatgas mintga trais onns. L'onn 2020 vegnan registradas las vias en las regiuns Surselva, Valragn, Mesauc, Landwassertal, Engiadina, Malögia, Puschlav e Müstair. Tenor communicaziun è l'auto probablamain anc sin via fin la fin d'avust.