Siglir tar il cuntegn

Header

video
Er en Grischun datti adina dapli infecziuns cun il coronavirus – la situaziun è dentant meglra ch'il mars
Or da Telesguard dals 23.10.2020.
laschar ir. Durada: 2 minutas 51 Secundas.
cuntegn

Uffizi da sanadad Grischun Marina Jamnicki: «Situaziun è meglra ch'il mars»

Tenor la media chantunala, Marina Jamnicki, saja la situaziun actuala in zic meglra che anc la primavaira. Per il mument è numnadamain cunzunt la situaziun en ils ospitals pli stabila. Sco il chantun ha infurmà il venderdi èn 13 persunas vegnidas ospitalisadas aifer 24 uras, en pli ha il chantun annunzià il venderdi 92 cas novs - il dumber da cas activs, pia da persunas en isolaziun è creschì sin 329.

Proximas emnas èn decisivas

Cunquai che l'obligatori da mascras valia pir dapi in'emna, sa mussia pir en il decurs da l'autra emna, sche la mesira porta il resultat giavischà. Ils cas dad uss sajan anc tut da quels che sajan s'infectads avant l'obligatori da mascras.

Per il mument sajan tant ils ospitals sco era las chasas da tgira preparadas bain e possian uschia restar tar il manaschi normal.

audio
La situaziun actuala da corona en Grischun
ord Actualitad dals 23.10.2020.
laschar ir. Durada: 2 minutas 39 Secundas.

En ils ospitals vala anc nagin scumond da visita. Quai pudess tenor situaziun dentant sa midar. En las chasas d'attempads dettia per il mument 7 cas en 4 differentas chasas. Là vala la regla da duas visitas per mintga cussadent.

Mascra tutga tar nov mintgadi da scola

  • Ina scolara da 13 onns che va en la scola secundara na sto betg purtar ina mascra.
  • Ina scolara da 13 onns che va en il progimnasi sto purtar la mascra.

La media chantunala Marina Jamnicki declera questa situaziun paradoxa. Ord vista medicinala na possian ins betg trair in cler stritg. Uffants en quella vegliadetgna na vegnian betg d'in di a l'auter tar creschids. Ma, per motivs pratics hajan las autoritads stuì trair quel stritg e definì quel tar il stgalim da scola.

audio
Corona e cumenzament da scola: Marina Jamnicki
ord Actualitad dals 24.10.2020.
laschar ir. Durada: 1 minuta 32 Secundas.

Finamira: Scolas avertas

En las scolas popularas na ston ils uffants betg purtar la mascra - scolastas e scolasts percunter bain, sche la distanza necessaria na po betg vegnir resguardada. Ins enconuschia las reglas d'igiena e fetschia tut per ch'ils uffants possian vinavant ir a scola, declera la presidenta da Magistraglia Grischun Laura Lutz envers RTR. Sch'ina scolasta u in scolast stoppia restar a chasa, sche lu vegnia tschertgà ina substituziun, ha ella ditg vinavant.

audio
Corona e cumenzament da scola: Laura Lutz
ord Actualitad dals 24.10.2020.
laschar ir. Durada: 1 minuta 5 Secundas.

RTR actualitad 17:00

Artitgels legids il pli savens