Siglir tar il cuntegn

Header

audio
Urban Maissen: «La segunda part dal eveniment da malaura pudess purtar dapli aua»
Or da Actualitad dals 29.08.2020.
laschar ir. Durada: 02:37 minutas.
cuntegn

Uffizi privels da natira Urban Maissen: «Il pli periclità èn las valladas dal sid»

Enfin uss (sonda suentermezdi) n'haja betg pluvì tant sco quai ch'ins aveva prognostitgà. Dentant giajan ins da quai anora ch'i dettia la segunda mesadad da questa fin d'emna dapli aua, ha il manader da l'uffizi da guaud e privels da natira Urban Maissen ditg sin dumonda da RTR. Sco el ha declerà vinavant è la situaziun cunzunt precara en las valladas dal sid:

Il pli periclità en las valladas dal sid cun la Val Calanca e la Bregaglia. Lura suonda la Surselva ed il Grischun Central. Il rest dal chantun è era periclità, ma segir in zic pli pauc.
Autur: Urban MaissenManader uffizi da guaud e privels da natira

En parts dal Grischun vala actualmain il pli aut stgalim da privel dad auas grondas, vul dir 5 da 5. Tuttina saja il mument fitg grev da prognostitgar nua exact ch'il privel da bovas è il pli grond. Quai dependia tut tenor nua ch'i plovia pli intensiv, en furma d'urizis.

Tar l'uffizi da guaud e privels da natira èn per il mument bun 10 persunas en acziun per survegliar la situaziun en il chantun, en stretga collavuraziun cun las vischnancas.

Cumparegliaziun cun la malaura dal 2002

Sco il selvicultur chantunal, Urban Maissen di, saja giustifitgà da cumparegliar questa fin d'emna da malaura cun la malaura dal 2002. En la summa avevi lura dentant pluvì sur pli lung temp ed er ina pli gronda quantitad d'aua. Urban Maissen di vinavant ch'ins haja suenter la malaura da lura era prendì mesiras, uschia ch'ins saja uss er preparà meglier.

L'aua da Bernina.
Legenda: Aua da Bernina. MAD, Dominik Hunziker

RTR novitads 17:00

Artitgels legids il pli savens

Scrollar a sanestra Scrollar a dretga