Quai è vegnì econuschent or dal ravugl da sia famiglia. Il giurist da Cuira ha fatg blers onns politica chantunala sco era naziunala. Dal 1967 fin il 1981 ha el represchentà onns ora la partida democratica e silsuenter la partida populara en il Cussegl grond. A Berna è Gadient stà in onn en il Cussegl naziunal, e lura dal 1980 per 14 onns en il Cussegl dals chantuns.
Ulrich Gadient tutga tar ina famiglia politica. Tant sia figlia Brigitta Gadient sco era ses bab Andreas Gadient han appartegnì al Cussegl naziunal.
In tip fitg serius, engaschà ed intelligent
Il politicher Luregn Mathias Cavelty è stà 14 onns en il cussegl dals chantuns cun Ulrich Gadient. Schebain ch’els eran engaschads en autras partidas (PCD e PPS), hajan els gì ina fitg buna relaziun ed hajan passentà bler temp ensemen. Cavelty sa regorda era dals viadis communabels a Berna, en ils bels autos da Ulrich Gadient. Quel haja gugent raquintà dals culms e dals lais, ch’el enconuscheva fitg bain.
Ulrich Gadient saja stà in tip fitg serius. Ma en in circul pli pitschen saja el era stà fitg amicabel e raquintava era magari ina sgnocca. Surtut saja el stà fitg capabel ed intelligent.
RR novitads 16:00