Siglir tar il cuntegn

Header

cuntegn

Ulteriur agid finanzial 3 milliuns francs per la cultura ed 1 milliun per il sport

Uss èsi cler co la regenza grischuna vul sustegnair la cultura ed il sport en la crisa da corona. Per il sectur da cultura metta ella a disposiziun 3 milliuns francs e per il sport 1 milliun francs. Il chantun Grischun cumplettescha uschia il program da sustegn che la Confederaziun aveva decis avant trais emnas. Lezza aveva mess a disposiziun 100 milliuns francs per il sport e per la cultura 280 milliuns francs.

Sustegn per il sectur professiunal e popular

Tar il sport vai tant per sustegnair il sport popular sco er il sport da prestaziun. Daners duain pia d'ina vart sustegnair structuras professiunalas ma er ad uniuns da sport popular e ses commembers. Quai cun contribuziuns per mantegnair la liquiditad e per cumpensar perditas.

Tar il sectur da cultura han artistas, instituziuns ed uniuns differentas pussaivladads da dumandar sustegn. Ils formulars èn da chattar sin la pagina dal chantun.

RTR novitads 09:00