Il svilup n'è tenor l'Uffizi per economia e turissem dal Grischun però betg mo stagiunal ubain situativ. Resguardant las cifras dals emprims 3 quartals da quest'onn, cumpareglià cun la media dals ultims 5 onns, resulta per l'entir Grischun in minus da 10,6%.
Sentir senta il Grischun surtut la digren dals turists da la Germania (settember -16,9%), però era dad auters stadis europeics. Era la digren dals turists da la Svizra senta il Grischun - cun minus 5,4%.
Trend svizzer è pli miaivel
En l'entira Svizra è il dumber da pernottaziuns sa reducì per 1% sin 3,4 milliuns pernottaziuns. Tenor las cifras da l'Uffizi federal per statistica hajan surtut ils giasts indigens durmì damain en ils hotels; quai cun in minus da 2,5%.
Tar ils giasts da l'exteriur perencunter è il dumber da pernottaziuns creschì levet per 0,3%.
RR novitads 10:00