Siglir tar il cuntegn
Inhalt

Chantun Ultima etappa per novs trens da la Viafier retica

La regenza grischuna ha approvà la quarta ed ultima etappa dal concept per renovar ils trens da la Viafier retica. Quella prevesa tranter auter la cumpra da 27 trens per 320 milliuns francs.

Ils novs trens da la Viafier retica.
Legenda: Ina visualisaziun dals novs trens da la Viafier retica. mad

Sco quai che la regenza grischuna scriva, surpiglia la Confederaziun 80% dals custs. Ils ulteriurs 20% surpiglia il chantun. Per quel sa resultan uschia amortisaziuns annualas da 2,5 milliuns francs a partir dal mument ch’ils trens vegnan en funcziun. Ils custs pon per part vegnir cumpensads cun respargns e gudogns d’effizienza.

Standardisaziun da la flotta da trens

Cun la cumpra da las cumposiziuns novas «Retica 30» po la flotta da trens vegnir standardisada e la productivitad po vegnir augmentada. Plinavant po la purschida sin las lingias da Tavau e San Murezzan vegnir cumplettada cun in tact da mes’ura.

RR novitads 10:00