Siglir tar il cuntegn

Header

cuntegn

Ultimas decisiuns da la WEKO Naginas sentenzias cunter firmas en la Surselva ed il GR central

Pertutgadas da las sentenzias èn surtut fatschentas ord l'Engiadina ed en il conturn da Cuira. En tut las 10 parts da las inquisiziuns datti dentant naginas sentenzias cunter firmas da la Surselva ed il Grischun central.

I na saja betg stà pussibel per els dad ir suenter a mintga indizi, di il vicedirectur da la cumissiun da concurrenza, Frank Stüssi. Els hajan focusà las inquisiziuns sin 40 fatschentas. Gia uschia hajan els gì fitg blera lavur. Els avessan anc gì pli blers indizis, hajan dentant betg gì la pussaivladad dad ir suenter a mintgin da quels.

Nus n’essan betg ids suenter a mintga indizi che nus avevan.
Autur: Frank Stüssivicedirectur cumissiun da concurrenza

L’uniun d’impressaris da la Surselva aveva gia detg avant in onn e mez, ch’els na sajan betg cumpigliads. Il president da la secziun Surselva da l’uniun Daniel Blumenthal veva lura detg envers RTR, ch’els hajan adina sa tegnì vid la lescha da cartel e perquai haja la WEKO naginas raschuns da vegnir en Surselva.

RR actualitad 12:00