Siglir tar il cuntegn

Header

cuntegn

Uniun caritativa In'uniun che porscha agid per la Rumenia

L'uniun che porscha agid medicinal per la Rumenia datti dapi radund 30 onns. Dapi trais emnas è Gisula Tscharner da Veulden la presidenta da quest'uniun.

Igl è in'uniun ch'è tut insatge auter che las uniuns classicas sco in'uniun sportiva u in'uniun da chant. Dentant ha er questa uniun ina clera finamira: Sustegnair la populaziun paupra en Rumenia. La terra en l'ost da l'Europa tutga tar ina da las pli paupras terras da l'uniun Europeica. L'uniun sustegna, tranter auter, spitals u praticas da medis cun apparaturas medicinalas. I vegn dentant er regalà vestgadira, medicaments u nutriment.

audio
Bunura: Uniuns – Uniun caritativa per la Rumenia
ord Actualitad dals 17.10.2019.
laschar ir. Durada: 2 minutas 49 Secundas.

L'uniun che porscha agid medicinal per la Rumenia dumbra tranter 80-90 commembers. Ils ultims onns hai dà divers projects per gidar la populaziun rumena.

Il pli nov project avain nus gist instradà. Nus faschain in asil da vegls, nua che glieud isolada chatta in da chasa en la vegliadetgna.
Autur: Gisula Tscharner

Per Gisula Tscharner da Veulden na vegn l'engaschi per la populaziun rumena betg ord il nagut. Avon 20 onns è ella stada l'emprima giada en la Rumenia ed ella è s'inamurada en quest pajais.

RR actualitad 07:00

Artitgels legids il pli savens