Siglir tar il cuntegn

Header

cuntegn

Uniun grischuna d'artisanadi Maurus Blumenthal è il nov directur

La suprastanza chantunala ha elegì Blumenthal (oriund da Ruschein) sco nov directur.

Maurus Blumenthal, oriund da Ruschein, ha studegià a l'universitad da Friburg sociologia ed er finì ina furmaziun da management a la Scol'auta per scienzas applitgadas a Turitg.

Dal 2012 fin il 2018 ha el bajegià si e sviluppà enavant l'organisaziun tetgala dals parlaments da giuvenils svizzers (DSJ) sco mainagestiun. Il mument lavura Blumenthal tar la Chanzlia chantunala grischuna e maina la partiziun per sustegnair la direcziun en las spartas planisaziun e controlling, e-government, servetsch da medias e relaziuns exteriuras.

Sco quai che l'Uniun d'artisandadi e mastergn communitgescha, haja Blumenthal sper sia vasta scolaziun era experientscha professiunala en associaziuns ed en l'administraziun. El remplazza davent dal prim d'october Jürg Michel che va en pensiun.

Blumenthal ha 38 onns, è maridà ed ha in figl. El abitescha a Domat.

RTR novitads 16:00