Siglir tar il cuntegn

Header

Maurus Blumenthal semetta a la lavur sco nov directur.
Legenda: Maurus Blumenthal semetta a la lavur sco nov directur. Claudia Cadruvi
cuntegn

Uniun grischuna d’artisanadi Midada da batgetta a la testa dals mastergnants

Jürg Michel va – Maurus Blumenthal vegn. Oz è stà l’ultim di da lavur dal directur che ha timunà 24 onns l’uniun. Damaun cumenza il nov.

La lavur saja stada sco fatga sin mesira per el, di il directur partent. El giaja gugent tranter la glieud, communitgeschia gugent e saja gugent stà da viadi dapertut en il chantun. Gliez è era stà necessari, pertge l’uniun dumbra radund 7000 commembers.

Jau sun stà fitg gugent directur
Autur: Jürg Micheldirectur partent da l'uniun grischuna d'artisanadi e mastergn

I haja dentant era duvrà spatlas ladas. Gist sch’ins veglia sviluppar insatge dovria quai forza da persvader. U sch’i saja da defender posiziuns magari betg cumadaivlas sco la parola gea per l’iniziativa No-Billag.

Loschs è Jürg Michel ch'igl è reussì en ses temp d'uffizi dad organisar la Fiutscher, l’exposiziun grischuna da professiuns che ha lieu mintga dus onns dapi il 2010.

Il nov

A partir da damaun stat Maurus Blumenthal a la testa da l’uniun. Il nov directur ha studegià sociologia e suenter fatg ina furmaziun da management .

Experientscha da timunar ina organisaziun posseda Blumenthal gia: Dal 2012 fin il 2018 è el stà mainagestiun da l’organisaziun tetgala dals parlaments da giuvenils svizzers.

RTR actualitad 17:00

Artitgels legids il pli savens

Scrollar a sanestra Scrollar a dretga