Siglir tar il cuntegn

Header

cuntegn

Chantun Uniuns sustegnan Flury

L’Uniun dals Grischs (UdG), l’Uniun Rumantscha Grischun Central (URGC) e la suprastanza da la Surselva Rumantscha (SR) sustegnan la candidatura da Johannes Flury per il post sco nov president da la Lia Rumantscha. Flury duai succeder a Duri Bezzola ch'ha demissiunà suenter be 3 onns en uffizi.

audio
Bunura: Uniuns sustegnan Flury
ord Actualitad dals 07.09.2015.
laschar ir. Durada: 3 minutas 12 Secundas.

In satgados plain experientscha

Sco anteriur directur da la scol'auta da pedagogia dal Grischun, sco era da la Scola media evangelica Schiers ed anteriur president dal cussegl d’administraziun da l’Institut Otalpin a Ftan haja Johannes Flury las abilitads ch’ins dovria per manar la Lia Rumantscha. Oravant tut sin il sectur da furmaziun haja Flury blera experientscha e la scola saja ina dumonda centrala per il futur dal rumantsch, accentueschan las uniuns.

Dapli preschientscha

In criteri per Johannes Flury e era ch’el è ina persuna cun gronda preschientscha en il public. Tenor las uniuns dovria la Lia Rumantscha ina tala persuna per pudair represchentar il rumantsch. Flury haja mussà tras il tumult cun l’Institut Otalpin a Ftan ch’el sappia co ch’ins stoppia communitgar.

Davart la successiun da Duri Bezzola decida la radunanza da delegadas e delegads da la Lia Rumantscha, ils 31 d'october 2015 a Mustér.

Artitgels legids il pli savens