Siglir tar il cuntegn

Header

cuntegn

Chantun Ura da dumondas Cussegl grond – era qua vegn discurrì rumantsch

En l'ura da dumondas ha cusseglier guvernativ Martin Jäger dà resposta per rumantsch – malgrad ch'el na discurra betg rumantsch. E quai tar ina damonda pertutgant criminalitad da cyber.

audio
Mezdi: Cussegl grond ura da dumondas – Martin Jäger dat resposta per rumantsch
ord Actualitad dals 14.06.2017.
laschar ir. Durada: 1 minuta 57 Secundas.

Clemens Berther, il substitut deputà da la PCD vuleva savair en l'ura da dumondas da la regenza, co ella vul dar a la populaziun la chaschun da sa preparar sin la digitalisaziun respectiv sin attatgas da cyber.

Sco Martin Jäger infurmescha saja l'informatica sco rom gia en ils uraris da las scolas e scolas medias. La suprastanza da la Conferenza svizra dals directurs chantunals planiseschia er, da introducir informatica sco rom obligatoric.

Regenza è sin buna via cun center da sport d'enviern

Reto Paterlini, il deputà da la PCD vuleva savair en l'ura da dumondas da la regenza, schebain ella è sin buna via cun examinar sch'igl è pussaivel da realisar in center da sport d'enviern naziunal a Lai. Sco cusseglier guvernativ Martin Jäger ha ditg, haja ses departament scrit brevs a tut ils chantuns da la Svizra orientala sco er al chantun da Turitg ed al Principadi per sclerir, sch'els fissen interessads da collavurar. Las respostas vegnan spetgadas anc quai mais, lura guarda il departament da Martin Jäger co cuntinuar.

RR novitads 11:00

Artitgels legids il pli savens