Ils davos mais ha la Retica adattà las staziuns tenor las directivas da l'uniun per il traffic public VöV. Vul dir: Scumonds da fimar sin las staziuns, ma cun secturs da fimar sin ils perruns.
Latiers ha la Retica installà a las staziuns pli grondas ils medems indrizs da reciclar sco tar las Viafiers federalas. Tenor communicaziun augmentia quai la qualitad da las fermadas dals passagiers, sminueschia il tartagnament da las staziuns entras cigarettas e reduceschia uschia era ils custs da nettegiar. Total ha la Retica installà 120 posts da fimar e 39 posts da reciclar sin sias staziuns.