Siglir tar il cuntegn
cuntegn

Chantun Urizis e dratgadas mettan vias e tschalers sut aua

La notg sin dumengia han grevs urizis procura per tschalers inundads e vias sut aua. Era il Grischun è sta pertutgà.

granella tranter pastg
Legenda: En la Bassa ed en l'Engiadina hai per part era dà granella. Keystone

En l’Engiadina hai dà granella ed en il Partenz èn plirs tschalers stads sut aua. Gia ier era la via tranter Filisur e Bravuogn bloccada pervi da duas bovas. Sco quai che la polizia chantunala ha communitgà, era ina da las bovas vegnida giu datiers da la chava da glera a Filisur, l’autra sper Bellaluna.

Persunas na sajan betg vegnidas a donn. La via da l'Alvra è serrada ad interim en omaduas direcziuns tranter Bravuogn e Filisur.

Disturbis era en autras regiuns da la Svizra

Era en il chantun Berna hai dà granella e plirs tschalers stattan sut aua. En il Vallais è la lingia da viafier dal Simplon stada interrutta, perquai che plirs chametgs eran dads en sin la vart taliana. Entant curseschan ils trens puspè regular.

RR novitads 06:00