Il Corpus catolicum la pli auta instanza da la baselgia catolica chantunala ha elegì in nov president. Urs Gaupp da Vaz Sut ch’era fin qua vicepresident è vegni elegì senza cuntravuschs per ina perioda d’uffizi da dus onns.
Sco nov vicepresident dal Corpus catolicum è vegni elegì il deputà da Morissen Marcus Caduff.
Il Corpus catolicum ha plinavant concedì in credit da 900’000 francs per la restauraziun da la Claustra da Mustér. Ils daners vegnan alura surdads l'auter onn.
RR novitads 15:00