Siglir tar il cuntegn
Inhalt

Chantun Urs M25 dastga ir tras guauds senza cularin

Cunquai ch'il cularin da l'urs M25 è daventà memia stretg ha la regiun da la Lumbardia decidì che l'urs vegn a passentar la stad senza cularin.

Urs M25 spassegia sin in mir a l'ur da la via en la vischinanza da Zernez.
Legenda: L'urs M25 durant ina spassegiada a l'ur da la via en la vischinanza da Zernez il matg 2014. mad

Sco quai ch'il radio da la Svizra taliana RSI rapporta datti reacziuns vehementas da la Val Poschiavo sin la decisiun da la Lumbardia. Tranter auter fan ils purs quitads pervia da lur nursas ch'alpegian en la regiun da l'urs.

Sveglià avant 1 emna e stgarpà in asen

Avant 1 emna aveva la provinzia di Sondrio cummunitgà che l'urs M25 saja sveglià ed haja stgarpà in asen. L’urs saja creschì sur enviern, e perquai saja il cularin daventà memia pitschen. Lura n'era quai anc betg cler, schebain il cularin duai vegnir remplazzà ubain betg. Uschia èsi cler che las autoritads da la Lombardia taxeschan l'ura M25 actualmain sco nun-problematic.

Demontascha via telecomando

Demontar il cularin che pudess daventar memia pitschen è tenor la provinzia di Sondrio simpel: Quai possian ins far cun in telecumond a distanza, pia senza tschiffar l'urs. L'urs ha passentà il sien d'enviern en vischinanza da Tirano nua ch'el sa chatta anc adina.

RR novitads 20:00