Siglir tar il cuntegn

Header

cuntegn

Chantun Uss è la qua - la naiv

La naiv è arrivada en il chantun Grischun ed ha procurà per ina situaziun precara sin las vias. Avant il tunnel dal Veraina hai dà grond temp da spetga ed uschigliò eri da quintar cun in pli lung temp da viadi. Tramettai vossas impressiuns da la naiv sin multimedia@rtr.ch.

En il sid dal Grischun ed il Tessin ha la naiv intensiva procurà per impediments da traffic ed in grond privel da lavinas.

En consequenza è ina gronda part dal territori da skis dal Corvatsch vegnì serrà.

Surtut il suentermezdi esi stà da quintar cun numerusas lavinas spontanas, avertescha l'institut da naiv e lavinas a Tavau.

Video
Colonna a Sagliains
Or da RTR dals 05.03.2016.
laschar ir

Per tut ils pass grischuns ed era per pliras vias principalas vala il mument in obligatori da chadainas. Sin tschertas vias èsi er da quintar cun impediments da traffic, communitgescha viasuisse.

2 uras da Cuira a Tumain ed enavos

Video
Cun auto tras las navadas
Or da RTR dals 05.03.2016.
laschar ir

Pervi da las colonnas sin la A13 tranter Cuira e Tumein en direcziun San Bernardino e Surselva ha gia il viadi da Cuira a Tumein durà 1 ura e 20 minutas.

Tar la sortida da l'autostrada en direcziun Surselva ha la polizia numnadamain controllà tut ils autos en connex cun l'obligatori da chadainas. Tut quels che han vulì charrar en direcziun Surselva e n'avevan betg 4x4 han stuì montar chadainas en il lieu.

En la direcziun cuntraria avevi be pauc traffic.

Sche vus avais fotografias da la naiv alura tramettai quellas a nus:

multimedia@rtr.ch

RR novitads 14:00 +

RTR/ma