Siglir tar il cuntegn

Header

purtret da Peter Bürcher, administratur apostolic da l'uvestgieu da Cuira
Legenda: L'administratur apostolic ha fatg las emprimas decisiuns da persunal. Keystone
cuntegn

Uvestgieu da Cuira Bürcher na mida betg persunal

L'administratur apostolic da l'uvestgieu da Cuira, Peter Bürcher, lascha tut ils funcziunaris en lur post. El ha redelegà ad els tuttas funcziuns ch'els avevan fin uss sut l'uvestg Vitus Huonder, communitgescha l'uvestgieu.

Tut ils mandataris (autfuncziunaris) mantegnan uschia lur cumpetenzas e plenipotenzas. La suletta midada ch'i dat per els èn ils titels. Ad interim èn tut ils autfuncziunaris da l'uvestgieu, sco uvestg auxiliar, vicari general etc., «delegads da l'administratur apostolic»:

  • Marian Eleganti – uvestg auxiliar («delegà da l'administratur apostolic per l'evangelisaziun nova sco er delegà per conventuals e las cuminanzas claustralas»)
  • Martin Grichting – vicari general («delegà da l'administratur apostolic»)
  • Andreas Fuchs – vicari regiunal per la regiun Grischun («delegà da l'administratur apostolic per la regiun Grischun»)
  • Martin Kopp – vicari regiunal per la regiun Svizra d'origin
  • Josef Annen – vicari regiunal per la regiun Turitg / Glaruna

Er ulteriurs funcziunaris sco Christoph Casetti, Joseph M. Bonnemain e Martin Ramm salvan lur posts. Il medem vala er per l'incumbensà per medias e communicaziun Giuseppe Gracia.

Il decret da Peter Bürcher è en vigur per immediat e vala fin ch'in nov uvestg per la diocesa da Cuira è elegì.

RR novitads 15:00