Siglir tar il cuntegn

Header

cuntegn

Chantun Uvestgieu da Cuira fa recurs al Tribunal federal

L'uvestgieu da Cuira ha fatg recurs a Losanna encunter ina decisiun da la dretgira administrativa grischuna. Quella aveva decidì ch'i saja legitim che la Baselgia catolica dal chantun Grischun sustegnia l'organisaziun da cussegliaziun «adebar» finanzialmain.

Dapi il 2012 cumbatta l'uvestgieu da Cuira encunter il sustegn finanzial da l'organisaziun da cussegliaziun «adebar» tras la Baselgia catolica dal chantun Grischun. Quai cun l'argumentaziun ch'ins veglia proteger la libertad da religiun ed evitar ch'ins sustegnia acziuns che cuntrafetschian a la religiun catolica finanzialmain. Uschia saja l'abort per exempel ina opziun legitima.

Suenter che la cumissiun da recurs da la Baselgia catolica e la dretgira administrativa grischuna han però decidì ch'il sustegn finanzial da l'organisaziun da cussegliaziun saja legitim, sa drizza l'uvestgieu uss al Tribunal federal. Quai saja la davosa staziun. Sch'il Tribunal federal saja da la medema opiniun, stoppian els acceptar la decisiun.

«Adebar»

Avrir la box Serrar la box

«Adebar» è in'organisaziun da cussegliaziun en ils secturs planisaziun da famiglia, sexualitad e gravidanza.

RR novitads 10:00

Artitgels legids il pli savens