Sco la chanzlia da l’uvestgieu ha communitgà, haja il vicari general da l'uvestgieu da Cuira Martin Grichting declerà sia demissiun. El haja fatg quai gia avant la consecraziun dal nov uvestg Joseph Bonnemain – e l'administratur apostolic Peter Bürcher haja acceptà la demissiun.
Grichting saja sa retratg da tut ses uffizis e funcziuns diocesanas e sur-diocesanas, auter che da ses uffizi en il chapitel catedral.
Resta uffizi da vicari general?
Sch'il nov uvestg Joseph Bonnemain elegia in nov vicari general, è anc avert. El veglia decider quai il proxim temp e suenter consultaziuns adattadas, uschia scriva l'uvestgieu.