Siglir tar il cuntegn

Header

cuntegn

Vacanzas da sport Tge pajan ils Capeders per in'emna vacanzas da skis?

La famiglia Capeder ponderescha nua far vacanzas: a Vella, a Lai u San Murezzan? Els cumpareglia ils pretschs per hotels e bigliets da skis.

Mintg'onn van ils Capeders in'emna cun skis. Lezi (8 onns) e Laura (11 onns) han vacanzas il favrer durant la stagiun auta. Da quel temp custan pernottaziuns e pass da skis il pli bler:

Vella en Lumnezia

Pass da skis da famiglia per 6 dis850 francs
5 dis scola da skis per Lezi e Laura560 francs
6 pernottaziuns cun solver e tschaina2'760 francs
Pauschala per bavrondas e marenda800 francs
Total4'970 francs

Lai

Pass da skis per 6 dis - cumprà online900 francs
5 dis scola da skis per Lezi e Laura650 francs
6 pernottaziuns cun solver e tschaina2'980 francs
Pauschala per bavrondas e marenda800 francs
Total5'330 francs

San Murezzan en l'Engiadin'Ota

Pass dad ir 6 dis cun skis Engiadin'Ota1'150 francs
5 dis scola da skis per Lezi e Laura830 francs
6 pernottaziuns cun solver e tschaina3'750 francs
Pauschala per bavrondas e marenda800 francs
Total6'530 francs

Ils criteris per la tscherna d'hotel?

Ils Capeders èn sportivs, vulan sper la pista dentant prender patgific. Perquai van els adina en in hotel sch’els fan vacanzas da skis. I na sto betg esser in hotel da luxus che porscha wellness etc. I basta cun in hotel da la classa mesauna. Impurtant è dentant: L'hotel sto esser datiers da las pendicularas ch’ins saja svelt sin pista. Ils hotels en la calculaziun qua sura correspundan a quests criteris. Ils pretschs derivan da las paginas d'internet da hotels, pendicularas e scolas da skis.

Avant che sa decider definitiv sch'els van quest onn a Vella, Lai u San Murezzan, s’infurmescha la mamma anc tge ch’i custass da far vacanzas a Gaschurn en l’Austria.

Gaschurn en il Montafon

Pass per ir 6 dis cun skis900 francs
5 dis scola da skis per Lezi e Laura490 francs
6 pernottaziuns cun mesa pensiun2'730 francs
Pauschala per bavrondas e marenda800 francs
Total4'920 francs

RTR actualitad 07:00