Sco emprim duain vegnir vaccinadas persunas en chasas da vegls e da tgira en la regiun da Cuira. Sin basa da questas experientschas giajan lura las equipas mobilas da vaccinar en ulteriuras regiuns.
La gronda part da la populaziun grischuna sto però anc avair pazienza:
I n'è betg uschia ch'ins po gia s'annunziar uss e sa laschar vaccinar a partir dals 4 da schaner ordaifer da chasas d'attempads. Ma, i duess gartegiar ch'ins po a partir dals 4 da schaner s'annunziar.
Actualmain saja il chantun vi da sclerir tut ils detagls enturn l'acziun da vaccinar ed organisar ils centers. Plinavant manchia er anc la software da la Confederaziun per l'entira administraziun, uschia la media chantunala vinavant.
