Siglir tar il cuntegn

Header

audio
Emprima bilantscha da l'acziun da vaccinar en il GR
Or da Actualitad dals 05.01.2021.
laschar ir. Durada: 02:08 minutas.
cuntegn

Vaccinaziuns da corona Duas equipas mobilas èn da viadi en il Grischun

Il gliendisdi èsi vegni fatg las emprimas vaccinaziuns encunter corona en il Grischun. Sco emprims vegnan vaccinadas cussadentas e cussadents da las chasas d’attempads. Vaccinaziuns per ulteriuras gruppas vegnan probabel ad esser pussaivlas la segunda mesadad da schaner.

30 vaccinaziuns l'emprim di

L'emprim di ha ina equipa da vaccinaziun mobila vaccinà 25 cussadentas e cussadent dad ina chasa da tgira a Cuira e tschintg persunas da tgira.

video
Emprimas vaccinaziuns en chasa da tgira a Cuira
Or da Telesguard dals 05.01.2021.
laschar ir

Entant èn duas equipas mobilas da viadi en l’entir chantun per vaccinar attempads e persunal da las chasas da tgira. Cunquai che las dosas èn il mument limitadas vegnan l’emprim vaccinadas persunas vulnerablas sur 75 onns. La vaccinaziun cun cussegliaziun cuzza en tut 45 minutas. Las equipas mobilas sa cumponan dad in medi u ina media, ina assistenta, ina apotecra, ina persuna d’administraziun ed in manischunz.

Logistica è ina sfida

La vaccinaziun vegn furnida da l’armada tar minus 80 grads ad in logisticher. Tar ina temperatura da frestgera po il vaccin da Pfizer/BioNTech be vegnir conservà durant 120 uras. Vegn quel ina giada prendì ord frestgera sto el vegnir duvrà aifer 6 uras. Il mument ha il Grischun a disposiziun vaccins per 1'300 persunas.

9 centers da vaccinar e da test en las regiuns

Durant la segunda mesadad da schaner vegni mess en funcziun nov centers da vaccinar e da test. Quels vegnan ad esser en ils ospitals regiunals pli gronds da Tavau, Glion, Poschiavo, Schiers, Scuol e Tusaun. Plinavant èn planisads ulteriurs centers en la Moesa, a Cuira ed a San Murezzan.

Vaccinaziuns a l'engronda pon tenor il chantun vegnir fatgas pir a partir da l'avrigl.

RTR novitads 16:00

Artitgels legids il pli savens

Scrollar a sanestra Scrollar a dretga