L’uniun dals engraschaders da vadels svizra ha lantschà il project «Vadè dal pur grischun». La finamira dal nov label saja da focussar sin la qualitad da la charn e e betg sin la massa. Sco l’uniun scriva, hajan il bainstar e la sanadad da l’animal la prioritad absoluta tar il project che vegn realisà en collavuraziun cun mazlarias regiunalas, producents e gastronoms. Ils vadels giaudian ina tegnida d'animals adequata a lur natira e curtas vias da transport, ils purs survegnian in pretsch fair, ils mazlers, gastronoms ed a la fin ils consuments in product excellent.
RR novitads 15:00