Siglir tar il cuntegn

Header

cuntegn

Var 1'000 armas novas Ils Grischuns cumpran vinavant armas

L'onn passà han ils Grischuns cumprà var 985 armas novas. Trais quarts da quellas armas sajan pistolas e revolvers. Quai ha ditg la Polizia chantunala envers il «Bündner Tagblatt». En congual cun l'onn 2018 è il dumber d'armas sa sbassà per 50 tocs.

Il dumber dal 2019 pudess dentant anc s'augmentar. Sch'ins survegn il permiss d'acquistar armas, han ins numnadamain in mez onn temp per cumprar in'arma.

Dumonda auta dapi 2015

Dapi l'onn 2015 è la dumonda constant auta. Avant 2015 hai dà 470 dumondas per cumprar in'arma en Grischun. L'onn 2015 è il dumber dentant creschì sin var 623. L'onn 2019 hai dà en tut 806 dumondas per las total 985 armas.

audio
Per tadlar: Las novitads da las 09:00
ord Novitads dals 18.01.2020.
laschar ir. Durada: 3 minutas.

RTR novitads 09:00

Artitgels legids il pli savens