Siglir tar il cuntegn

Header

video
Vatican na sa nagut dals plans che uvestg Huonder ha per sia pensiun
Or da Telesguard dals 10.04.2019.
laschar ir. Durada: 3 minutas 35 Secundas.
cuntegn

Chantun Vatican cuntradi a l'uvestgieu da Cuira

L'uvestg da Cuira Vitus Huonder vul sa retrair en in internat da la confraternitad da Pius. El haja l'incumbensa da tgirar il contact cun la confraternitad. Il vatican cuntradi però a quai.

audio
Saira: Vatican cuntradi a l'uvestgieu da Cuira
ord Actualitad dals 10.04.2019.
laschar ir. Durada: 2 minutas 43 Secundas.

Davart l'avegnir ed il domicil da l'uvestg Vitus Huonder suenter ses temp d'uffizi datti irritaziuns. Sco quai che SRF rapporta en l'emissiun Rundschau, na dettia nagin'incumbensa uffiziala dal Vatican che Huonder duaja mantegnair il contact cun la confraternitad da Pius.

Il schaner ha l'uvestgieu da Cuira communitgà che Huonder giaja en l'internat da buobs Sancta Maria a Wangs per mantegnair per il Vatican quest contact. Il Vatican cuntradi a quai ed er l'uvestgieu da Son Gagl, tar il qual l'internat a Wangs tutga, na saveva da nagut.

L'uvestgieu Son Gagl n'è mai vegnì infurmà ch'i dat actualmain ina incumbensa dal Vatican.
Autur: Claudius Luterbacher chanzlist da l'uvestgieu da Son Gagl

L'uvestgieu da Cuira sa dosta

L’uvestgieu da Cuira sa dosta cunter la pretensiun da l’emissiun «Rundschau» ch’il Vatican na sappia nagut da l'incumbensa da Huonder da mantegnair il contact cun la fraternitad da Pius. En sia communicaziun aschunta l'uvestgieu per cumprova ina brev dal cardinal Gerhard Ludwig Müller dal 2016, nua che lez scriva che l'uvestg duai cuntinuar cun il dialog davart temas specifics cun la confraternitad da Pius.

RR novitads 09:00

Artitgels legids il pli savens