Siglir tar il cuntegn

Header

video
Setgira en il Grischun
Or da Telesguard dals 17.04.2020.
laschar ir
cuntegn

Vegetaziun 10 dis avanzada Chaud e memia sitg

Dapi l'entschatta da mars hai pluvì fitg pauc. Quest fatg sentan oravant tut las regiuns pli bassas nua che la vegetaziun è s'avanzada e tut è en cumplaina fluriziun.

Sin l'emprima egliada vesa tut ora savurus e spir colurs. Sin la segunda egliada è la terra oravant tut en il Signuradi, la Val dal Rain ed en il Partenz fitg sitga. La primavaira duvrass quella avunda aua per pudair crescher. Il davos temp saja la vegetaziun quasi stada salda en quests lieus.

Batist Spinatsch, cussegliader dal Plantahof di che la situaziun na saja il mument betg anc dramatica. Sch'i giaja dentant vinavant uschia, lura daventia nausch cun il cumenzament dal mais matg.

Auter è la situaziun en las muntognas, sur 1000 meters sur mar. Qua haja la vegetaziun pir cumenzà ed anc pli ensi saja gist pir la naiv luada. En quests lieus saja bain sitg, dentant betg a moda problematica.

RTR Telesguard 17:40

Artitgels legids il pli savens

Scrollar a sanestra Scrollar a dretga