Vendelin Cabernard è nov manader da cussegliaziun da professiun

Vendelin Cabernard è il nov manader da la cussegliaziun da professiun, da studi e da carriera. Il departament d'educaziun, cultura e protecziun da l'ambient ha elegì l'um da 50 onns.

Purtret da Cabernard. Bild in Lightbox öffnen.

Legenda da maletgs: Vendelin Cabernard è il nov menader da la cussegliaziun da professiun, da studi e da carriera. MAD

En ses nov uffizi maina Cabernard la direcziun generala da la cussegliaziun da professiun, da studi e da carriera. La partiziun cumpiglia circa 25 collavuraturas e collavuraturs.

Dapi il 2011 è Cabernard cussegliader da professiun e carriera en Surselva. Durant quest temp ha el obtegnì il titel da cussegliader diplomà. Avant ha el dà scola al gimnasi da la scola chantunala a Cuira.

Cabernard è successur da Justina Simeon-Cathomas

Vendelin Cabernard daventa successur da Justina Simeon-Cathomas. Fin schaner 2018 va lezza en pensiun, suenter siat onns sco manadra. Justina Simeon-Cathomas ha lavurà 23 onns sco cussegliadra da professiun.

Annette Decurtins da Trun surpiglia il favrer 2018 la plazza sco cussegliadra da professiun, da studi e da carriera en Surselva.

RR novitads 10:00