Siglir tar il cuntegn

Header

cuntegn

Vendì radund 2'800 products Chasa Editura Rumantscha fa quint equilibrà

A chaschun da la radunanza generala ha la Chasa Editura Rumantscha preschentà il rapport annual. Cun in gudogn annual da 2'900 francs è quel equilibrà, sco il rapport annual mussa.

Set publicaziuns il 2019

L'onn passà ha la Chasa Editura Rumantscha edì set publicaziuns novas – duas da quellas per uffants e giuvenils. Sco i ha num vinavant en la communicaziun, sa legria la Chasa Editura Rumantscha da l'intermediaziun da quatter ediziuns en licenza. Duas ovras rumantschas èn mintgamai vegnidas publitgadas en dus auters linguatgs, numnadamain rumen, tudestg, ladin da la Val Badia e ladin da la Val Gardena.

Tut en tut haja la Chasa Editura Rumantscha pudì vender var 2'850 products, circa 100 pli paucs che l'onn avant. La cumpart da vendita da e-books munta a gnanc 2%.

Ord l'archiv

La Chasa Editura Rumantscha datti dapi il 2010. L'onn 2015 ha RTR dà in sguard sin ils emprims tschintg onns da la interpresa.

video
In sguard enavos sin ils emprims 5 onns da la Chasa editura rumantscha
Or da Telesguard dals 07.05.2015.
laschar ir

RTR novitads 17:00

Artitgels legids il pli savens

Scrollar a sanestra Scrollar a dretga