La vendita da muvel en il Grischun vegn promovida vinavant. La regenza grischuna ha concludì da cuntinuar cun il program da sustegn.
Uschia vegn la graubündenVieh SA indemnisada per organisar e realisar martgads publics d'arment, per manar ina structura da marketing professiunala e per realisar activitads da reclama.
- Realisar martgads publics d'arments: 40 francs per animal
- Realisar martgads publics da nursas e da chauras da maz: 5 francs per animal
- Structura da marketing professiunala ed activitads da reclama: pauschala da 125'000 francs
Er puras e purs survegnan contribuziuns per promover la vendita d'animals e sustegns per il servetsch da transport e da preschentaziun per promover ils martgads publics.
- Promoziun da vendita da nursas e chauras: maximalmain 82'000 francs
- Transport e promoziun da martgads publics: maximalmain 80'000 francs
Contribuziuns per promover la vendita da muvel paja il chantun gia dapi il 1959. Las cundiziuns èn però sa midadas cun la politica agrara pli e pli liberala. L'ultima gronda midada hai dà il 2014 cura che la Confederaziun ha stritgà ils pajaments directs per mintga animal. Tras quai è il squitsch sin la il matgà da biestga creschì. Ils ultims onns sa concentreschan ils pajaments chantunals che vegnan fixads mintg'onn tenor basegns sin la finamira da stgaffir bunas cundiziuns per la vendita e pli pauc sin in sustegn collià directamain cun mintga singul animal.
