Siglir tar il cuntegn

Header

Navigaziun

Logo dals verd-liberals.
Legenda: Nominà per il Cussegl naziunal èn: Josias Gasser, Laura Oesch e Gaudenz Bavier. Keystone
cuntegn

Chantun Verd-liberals GR: NA ad iniziativa da construcziun dischordinada

A sia radunanza da commembers a Haldenstein han ils verd-liberals dal Grischun decis in NA unanim a l’iniziativa davart la construcziun dischordinada. En pli han els nominà cun Josias Gasser, Laura Oesch e Gaudenz Bavier dus candidats ed ina candidata per il Cussegl naziunal.

Sco la Partida verd-liberala ha communitgà, saja l’iniziativa bain manegiada bain. La revisiun parziala da la lescha davart la planisaziun dal territori saja adattada dentant meglier per cuntanscher las finamiras da l'iniziativa.

Gasser, Oesch e Bavier candideschan per il Cussegl naziunal

Plinavant han ils Verd-liberals nominà cun l'interprendider da Haldenstein Josias Gasser, l'advocata Laura Oesch da Cuira e Gaudenz Bavier da Fläsch dus candidats ed ina candidata per il Cussegl naziunal. Cun ulteriuras interessentas ed interessents saja la suprastanza da la partida anc en tractativas, scriva ella en sia communicaziun.

GLP svizra - almain 10 sez en Cussegl naziunal

La partida verd-liberala svizra vul gudagnar vitiers l'atun almain 3 sezs en il Cussegl naziunal. Il focus vul la partida metter sin ils temas clima, Europa ed innovaziun, uschia hai gì num a la radunanza da delegads a Liestal. Actualmain ha la partida verd-liberala 7 persunas en il Cussegl naziunal. Il 2015 ha ella pers 5 sezs. Il president da partida, Jürg Grossen, ha ditg che la finamira saja d'avair almain 10 mandats a las elecziuns federalas l'october e da returnar a la forza da la legislatura 2011 fin 15.

Tgi che votescha per ils verd-libers è per innovaziun e concurrenza.
Autur: Jürg Grossenpresident

RR novitads 18:00+