Siglir tar il cuntegn

Header

Tren da la viafier Retica cun la locomotiva da RTR.
Legenda: Tren da la viafier Retica cun la locomotiva da RTR. MAD
cuntegn

Viafier retica Bunas notas tar la controlla da segirtad da cyber

Per interpresas da viafier pitschnas è la segirtad da privels da cyber ina sfida. A questa conclusiun vegn la Controlla federala da finanzas. La Viafier retica ha dentant survegnì bunas notas.

La controlla federala da finanzas ha prendì sut la marella 4 interpresas da viafier. La dumonda cardinala è stada, schebain las viafiers possian laschar ir vinavant ils trens a moda segira, en cas d'ina attatga da cyber. Las viafiers tutgan numnadamain tar l'uschenumnada infrastructura critica che provedan il stadi cun bains e servetschs indispensabels.

Tranter auter è era la Viafier retica vegnida controllada. Lezza haja fatg ina buna figura, uschia la Controlla federala da finanzas.

Jau sun fitg levgià che nus avain cuntanschì las valurs dumandadas. Cuntent na dastgan ins dentant mai esser, gist en connex cun la segirtad da cyber. Là èn ins adina in zic en retard cun la tecnica, cumpareglià cun las persunas che fan talas attatgas.
Autur: Christian Florinresponsabel per l'infrastructura da la Viafier retica

Ils experts recumondan tuttina a la Viafier retica da sensibilisar il persunal per segirtad da cyber, tranter auter cun pleds clav segirs e cun esser precaut cun posta electronica.

Ord l'archiv:

Er il chantun Grischun ha il 2017 prendì mesiras supplementaras per prevegnir a privels da cyber.

video
Per cumbatter la cybercriminalitad ha il chantun Grischun stgaffì novas plazzas da lavur
Or da Telesguard dals 28.11.2017.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga