Siglir tar il cuntegn

Header

video
Viafier Retica stat avant grondas sfidas
Or da Telesguard dals 19.12.2017.
laschar ir. Durada: 2 minutas 24 Secundas.
cuntegn

Chantun Viafier retica dovra dapli persunal ils proxims onns

Bunamain ina milliarda francs investescha la viafier dal 2017 fin il 2019. Investiziuns che fa basegn tenor il president dal cussegl d'administraziun e cusseglier dals chantuns Stefan Engler. Per dumagnar tut la lavur che resulta da las investiziuns dovri però er dapli persunal.

Entaifer ils proxims trais onns vul la Retica stgaffir 30 novas plazzas. 17 da quellas en la sparta d'infrastructura, vul dir per bajegiar, renovar e sanar. Plinavant datti intginas plazzas d'inschignier a Cuira, 10 plazzas tar il mantegniment dals trens a Landquart e trais plazzas en la sparta da marketing e vendita.

audio
Saira: Viafier Retica - dapli persunal en l'avegnir
ord Actualitad dals 19.12.2017.
laschar ir. Durada: 2 minutas 11 Secundas.

Sfida da gudagnar la glieud

Crear las novas plazzas saja ina – occupar ellas in'autra. Tenor Engler vegni ad esser ina gronda sfida d'occupar las plazzas.

Cur che la fasa d'investiziuns saja tras vegnia il dumber da persunal però tut tenor er puspè reducì. Capitar duai quai però betg cun stritgar plazzas, mabain cun betg pli remplazzar glieud che va en pensiun. Quai han confermà tant ils responsabels da la Retica sco er il sindicat dal persunal.

La Viafier retica ha er communitgà l'avant mezdi, ch'ins haja transportà dapli passagiers quest onn. Cumpareglià cun l'onn avant èn 3,9% dapli passagiers viagiads cun la Retica.

RR actualitad 17:00

Artitgels legids il pli savens