Siglir tar il cuntegn

Chantun Viafier retica fa «infoarena» a Preda

Plazzals gronds attiran blera glieud, quai è gia semussà cun las lavurs da construcziun dal tunnel da basa dal Gottard. A Sedrun aveva quai dà in center d’infurmaziun ch'ha gì success. Ussa vul la Viafier retica era far in tal center d’infurmaziun per il plazzal dal nov tunnel da l’Alvra.

tren da la viafier retica che stat a la staziun da preda
Legenda: Ina infoarena duai survir als interessads a la construcziun dal tunnel da l'Alvra sco emprim punct da contact. Keystone

A Preda datti ina «Infoarena», ina paraid interactiva cun infurmaziuns e gieus per pitschen e grond. Era las medias novas vegnan nizzegiadas. Uschia datti webcams che mussan las lavurs actualas en e vid il tunnel da l'Alvra ed era in’applicaziun (app) infurmescha davart las lavurs actualas.

6 onns temp da construcziun

Actualmain datti sin il plazzal en spezial lavurs da preparaziun. I dat vitgs da containers, vias da lavur vegnan construidas, binaris supplementars per transportar davent il material da stgavament. L’emprima furada è planisada il november. Lura vegn furà durant radund 6 onns il nov tunnel da l’Alvra.

Quint equilibrà cun investiziuns creschidas a 205 miu.

A la radunanza generala da la Viafier retica ha la direcziun preschentà il quint equilibrà dal 2014. Quai tar investiziuns da 205 milliuns francs (+7%). Il dumber da passaschiers saja era creschì per 2,7%, ha infurmà la Retica ses acziunaris.

Auter tar il traffic cun rauba. Lez ha stuì registrar ina perdita da total radund 1,6 milliuns francs. Quest saja era vinavant en ina situaziun difficila.

Ulteriurs projects d'investiziun

  • nova staziun da Küblis
  • nova staziun da San Murezzan
  • nova moda da sanar tunnels senza interrumper il traffic
  • remplazzar il sistem per segirar trens

RR Actualitad la bunura 06:00